मिरज, सांगली (२ फेब्रुवारी २०२६) - गुन्हेगारी पार्श्वभूमी असलेल्या व्यक्तीवरील हद्दपारीचा प्रस्ताव रद्द करण्यासाठी ६ लाख रुपयांची लाच स्वीकारताना मिरज ग्रामीण पोलीस ठाण्याचे सहाय्यक पोलीस निरीक्षक (API) सुनील गुरव यांना लाचलुचपत प्रतिबंधक विभागाने (ACB) सापळा रचून अटक केली. या कारवाईमुळे सांगली पोलीस दलात मोठी खळबळ उडाली आहे.

नेमकी घटना काय? -
तक्रारदारावर पोलीस प्रशासनाकडून हद्दपारीची कारवाई प्रस्तावित होती. हा प्रस्ताव रद्द करून त्याला कायदेशीर मदत करण्यासाठी सहाय्यक पोलीस निरीक्षक सुनील गुरव यांनी सुरुवातीला ८ लाख रुपयांची मागणी केली होती. मात्र, तडजोडीअंती हा व्यवहार ६ लाख रुपयांवर निश्चित झाला.

ACB चा सापळा आणि अटक लाचेची मागणी झाल्यानंतर तक्रारदाराने तातडीने सांगलीच्या लाचलुचपत प्रतिबंधक विभागाकडे धाव घेतली. तक्रारीची पडताळणी केल्यानंतर, शनिवारी रात्री मिरज ग्रामीण पोलीस ठाण्याच्या परिसरातच सापळा रचण्यात आला. ठरल्याप्रमाणे लाचेची ६ लाख रुपयांची रक्कम स्वीकारताना सुनील गुरव यांना रंगेहाथ पकडण्यात आले.