इस्लामपूर (2024-09-22) - इस्लामपूर - सांगली- जात-पात धर्म वीरहित माणुसकी हीच एक जात समजून तासगावातील रुग्णसेवक निसार मुल्ला यांनी आतापर्यंत साडेसात हजारच्यावर गरजू रुग्णांची शासकीय योजनेतून मोफतमध्ये शस्त्रक्रिया केली आहे. अशा निसार मुल्ला यांना राज्यस्तरीय शिवछत्रपती प्रेरणा पुरस्काराने सन्मानित करण्यात आले. इस्लामपूर पोलीस ठाण्याचे पोलीस निरीक्षक संजय हरगुडे, पुणे विभाग शिक्षक मतदार संघाचे माजी आमदार भगवान साळुंखे, केदार पाटील, आनंदराव पाटील, अनिल माने यांच्या प्रमुख उपस्थितीत राज्यस्तरीय शिवछत्रपती प्रेरणा पुरस्काराने निसार मुल्ला यांना सन्मानित करण्यात आले. तासगाव येथील रुग्णसेवक निसार मुल्ला यांना यापूर्वी २६ पुरस्कार प्राप्त झाले आहेत. पुरस्कार प्राप्तीनंतर बोलताना निसार मुल्ला म्हणाले की, आत्तापर्यंतच्या सर्व पुरस्कारातून हा पुरस्कार शिवछत्रपती प्रेरणा या नावाने मिळाला. मला यापुरस्काराचे फार कौतुक, आदर व आपुलकी आहे. तर, निसार मुल्ला यांचे सर्वत्र कौतुक होत आहे