मुंबई (५ नोव्हेंबर २०२५) - महाराष्ट्राच्या डिजिटल क्रांतीमध्ये आज एक ऐतिहासिक दिवस ठरला! इलॉन मस्क यांच्या मालकीची जगातील अग्रगण्य उपग्रह इंटरनेट कंपनी स्टारलिंक (Starlink) सोबत औपचारिकपणे करार (Letter of Intent - LOI) करणारे महाराष्ट्र हे भारतातील पहिले राज्य बनले आहे.

राज्याचे मुख्यमंत्री देवेंद्र फडणवीस यांच्या उपस्थितीत स्टारलिंक सॅटेलाईट कम्युनिकेशन्स प्रायव्हेट लिमिटेडच्या उपाध्यक्ष लॉरेन ड्रेयर आणि महाराष्ट्र सरकारच्या माहिती तंत्रज्ञान विभागाचे सचिव विरेंद्र सिंह यांनी या लेटर ऑफ इंटेंटवर (LoI) स्वाक्षरी केली.

दुर्गम भागांत सुपरफास्ट इंटरनेट
या करारामुळे महाराष्ट्रातील डिजिटल दरी (Digital Divide) मिटवण्याचे मोठे उद्दिष्ट साध्य होणार आहे. स्टारलिंकच्या हाय-स्पीड उपग्रह-आधारित इंटरनेट सेवेचा लाभ विशेषतः राज्यातील दुर्गम आणि वंचित जिल्ह्यांना मिळणार आहे.