Upload Newsमातीला अंतर देऊ नका, माती तुम्हाला अंतर देणार नाही
आबांचं स्वप्न, रोहितदादांची कृती; ₹१,१०० कोटींच्या गुंतवणुकीकडे वाटचालby: अन्वर इनामदार
तासगाव (29 जून 2026) - "मातीला अंतर देऊ नका, माती तुम्हाला अंतर देणार नाही," हे स्वर्गीय लोकनेते, माजी गृहमंत्री आर. आर. आबा पाटील यांचे शब्द आजही तासगाव-कवठेमहांकाळच्या विकासाला प्रेरणा देत आहेत. त्यांच्या स्वप्नातील एमआयडीसी साकार करण्याच्या प्रयत्नांना नवे बळ मिळाल्याचे चित्र समोर आले आहे.
मुख्यमंत्र्यांचा सकारात्मक प्रतिसाद; ₹१,१०० कोटींच्या गुंतवणुकीची स्वारस्य पत्रे
माजी आमदार सुमनताई पाटील आणि आमदार रोहित आर. आर. पाटील यांनी मुख्यमंत्री देवेंद्र फडणवीस यांची वर्षा निवासस्थानी भेट घेऊन तासगाव-कवठेमहांकाळ एमआयडीसीबाबत सविस्तर चर्चा केली. बैठकीत राज्य सरकारकडून आवश्यक सहकार्याचे आश्वासन देण्यात आले.यावेळी दोन कंपन्यांनी सुमारे ₹१,१०० कोटींच्या गुंतवणुकीची स्वारस्य पत्रे (EOI) सादर केली. त्यामुळे या भागातील औद्योगिक विकासाला गती मिळण्याची अपेक्षा व्यक्त केली जात आहे.